ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Җәмгыять

Россиядә бер мең ир-атка ничә хатын-кыз туры килүе билгеле

26 август 2019, 21:32

Хәзерге вакытта Россиядә 1 мең ир-атка 1154 хатын-кыз туры килә.

(Казан, 26 август, «Татар-информ»). Россиядә озак вакыт дәвамында хатын-кызлар ир-атлардан күбрәк булачак. Быел 1 мең ир-атка 1154 хатын-кыз туры килә. 2036 елга бу нисбәт 1128гә 1 мең булачак. Бу турыда  Росстатның 2036 елга кадәрге фаразларына сылтама белән РИА Новости хәбәр итә.

Экспертлар мондый күрсәткечләрне ир-атларның үлем куркынычы югары булуы белән бәйли. Ир-атлар күбрәк булган бердәнбер төбәк ул – Чукотка. 

Ведомство мәгълүматлары буенча, агымдагы елда Россиядә 1 мең ир-атка 1154 хатын-кыз туры килә. Мондый чагыштырма Чукоткадан тыш, Россиянең барлык төбәкләре өчен дә хас, анда хәзер 1 мең ир - атка 956 хатын-кыз туры килә, ә 2036 елга алар бөтенләй 813 булачак.

Росстат 2031 елдан ир-атлар хатын-кызларга караганда, Камчаткада да күбрәк булачак, дип фаразлый. Плеханов исемендәге Россия икътисад университетының статистика кафедрасы доценты Александр Тимофеев шул хакта сөйли.

«Башта малайлар һәм кызлар тигез санда туа. 0-4 яшьлек 1 мең малайга 947 кыз туры килә, вазгыять 20-25 яшькә үзгәрә, 1 мең ир-атка 1023 хатын-кыз туры килә һәм алга таба тагын да кискенләшә. Бу вазгыять ир-атлар арасында үлем-китем куркынычы зуррак булу белән бәйле», - ди Тимофеев.

60 яшькә ике хатын-кызга бер ир-атка туры килә. Җәмгыятьнең демографик деформациясе килеп чыга. «Нәтиҗәдә, җәмгыять традицион гаиләдән партнерлыкка күчә, анда ир белән хатын тигез хокукларга ия һәм карар кабул итүгә бертөрле йогынты ясый ала», - диде Александр Тимофеев.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10