ҺАВА ТОРЫШЫ +12 oC

Яңалыклар

барлык хәбәрләр Татарстан Россия

Җәмгыять

Һиндстан вәкиле: Казанда мәчет һәм чиркәүнең янәшә булуы безнең өчен яңалык

26 август 2019, 10:23 , Фото: Рәмис Латыйпов

Һиндстан вәкиле: Казанда мәчет һәм чиркәүнең янәшә булуы безнең өчен яңалык Рагураман Джеарамалуга төрле дин вәкилләренең янәшә һәм дус яшәве зур тәэсир калдырган.

(Казан, 26 август, “Татар-информ”, Рәмис Латыйпов). Һиндстаннан Ворлдскиллс вәкиле Рагураман Джеарамалу Казанда төрле диннәрнең янәшә булуы үзе өчен яңалык булуын әйтте.

“Казанда төрле дин вәкилләренең үз йортлары булуын белдем. Монда мөселманнар, христианнар, башка дип вәкилләре бар икәнен сөйләделәр. Мәчет һәм чиркәү янәшә, бу безнең өчен яңалык”, - диде Рагураман Джеарамалу.

Һиндстан вәкиле әйтүенчә, ул Россиядә беренче тапкыр. “Татарлар турында беренче тапкыр ишеттем. Монда күргәннәрем бик нык тәэсир итте, миңа бик ошады, оештыручыларга зур рәхмәтемне җиткерәсем килә”, - ди Һиндстан вәкиле.

Рагураман Джеарамалу төзелеш-бетон эшләнмәләре компетенциясендә эксперт. Бу компетенциядә яңа технология кулланыла. Ул 2015 елда беренче тапкыр тәкъдим ителгән.

“Элек бетон эше күп кешеләрнең – арматура белән эшләүчеләр, балта осталары булуын таләп итсә, яңа технология буенча бу эшне ике кеше генә дә башкарып чыга ала”, - дип аңлатты Джеарамалу. Белгеч бу технологияне тормышка ашыру төзелешң үсешенә китерәчәк дип фаразлый.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10