ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Татар дөньясы

Бөтендөнья татар конгрессы грантына бәйге жиңүчеләре билгеле булды

26 август 2019, 09:14 , Фото: Абдул Фархан

Бөтендөнья татар конгрессы грантына бәйге жиңүчеләре билгеле булды Тәкъдим ителгән 38 проект туган телне, тарихны, мәдәниятне саклап калуга багышланган.

(Казан, 26 август, "Татар-информ"). Бөтендөнья татар конрессы грантына бәйгегә тәкъдим ителгән 38 проект арасыннан җиңүчеләрне Татар яшьләре оешмалары җитәкчеләренең белем алу форумында игълан иткәннәр. Бу  турыда Бөтендөнья татар конгрессы матбугат хезмәте хәбәр итте.

Тәкъдим ителгән проектлар туган телне, тарихны, мәдәниятне саклап калуга кагылышлы. «Без проектларны 5 сәгать дәвамында тыңладык, экспертлар белән фикер алыштык. Кемнедер җиңүче итеп сайлау бик авыр булды, чөнки барсы да кызыклы иде», -  дигән Бөтендөнья татар яшьләре форумы рәисе Ленария Мөслимова.

1 урын Urban Tatar оешмасы, «Уarfest» проекты, Яр Чаллы, Римма Гомәрова, «sky tat» проекты, Мәскәү өлкәсе.

2 урын Наилә Галиева, «Туйчылар» проекты, Омск өлкәсе.

3 урын Гөлфинә Галиуллина, Илзилә Фәтхуллина, «Ук» проекты, Татарстан.

Беренче урын алган Римма Гомәрова үз бүләген икенче урын алган Наилә Галиевага бүләк иткән. Наилә авылында музей булдырырга тели. «Миңа аның проекты бик ошады. Ә без команда белән үз проектыбыз өчен мөмкинлекләр табарбыз, дип уртак фикергә килдек», - дигән Римма. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10