ҺАВА ТОРЫШЫ +6 oC

Яңалыклар

барлык хәбәрләр Татарстан Россия

Авыл

Спас районында алдынгы комбайнчыларны бүләкләделәр

26 август 2019, 01:00 , Фото: spas-rt.ru/

Спас районында алдынгы комбайнчыларны бүләкләделәр Аларга район башлыгының Рәхмәт хатын һәм кыйммәтле бүләк тапшырдылар.

(Спас, 26 август, "Татар-информ", "Яңа тормыш"). Спас районы башлыгы Камил Нугаев бөртекле культураларны җыеп алуда иң яхшы нәтиҗәләргә ирешкән комбайнчыларга басуда бүләкләр тапшырды. Бу турыда район басмасы хәбәр итә.

Әүвәл “ВЗП”Болгар” җәмгыяте басуында Илфат Аракаевка район башлыгының Рәхмәт хатын һәм кыйммәтле бүләк тапшырдылар. Бу көнне шундый ук бүләкләргә Алексей Спирчагов (Александр Мамонов хуҗалыгы), Владимир Зрулин (Андрей Синицын хуҗалыгы), Андрей Стеценко (Александр Планин хуҗалыгы), Фирдүс Зәйнуллин (“Хузангаевское” җәмгыяте), Владимир Трифонов (“Авангард” җәмгыяте), Рәфыйк Яруллин (Айсылу Мөхәммәтова хуҗалыгы) лаек булды. 

– Тырыш хезмәтегез өчен сезгә зур рәхмәт, – диде игенчеләргә мөрәҗәгать итеп Камил Нугаев. – Булдырасыз, егетләр, башкалар да сездән үрнәк алсын, киләчәктә тагын да зуррак нәтиҗәләргә ирешүегезне телим...

Берничә генә минутка туктап алганнан соң, комбайчылар яңадан эшкә кузгалды. 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10