ҺАВА ТОРЫШЫ +12 oC

Яңалыклар

барлык хәбәрләр Татарстан Россия

Мәдәният

Мамадышның Дүсмәт авылында капиталь ремонттан соң мәдәният йорты ачылды

25 август 2019, 23:00 , Фото: tuganaylar.ru/

Мамадышның Дүсмәт авылында капиталь ремонттан соң мәдәният йорты ачылды Административ үзәктә 29 ел ремонт ясалмаган булган.

(Казан, 25 август, «Татар-информ»,  «Туганайлар», Милена Новикова). 23 августта Мамадыш районы Дүсмәт авылында, капиталь ремонттан соң, мәдәният йортын ачу тантанасы узды. Бу турыда «Туганайлар» сайтында хәбәр ителә.

Чарада район башлыгы Анатолий Иванов, мәдәният бүлеге җитәкчесе Степан Спиридонов, авыл җирлеге башлыгы Олег Павлов һәм авыл халкы катнашты.
Ремонт Татарстан Президентының авыл клублары программасы нигезендә тормышка ашырылды.

Административ үзәктә 29 ел ремонт ясалмаган булган. Яңартылган бина җирле күпфункцияле үзәк булып тора, чөнки ул берничә объектны үз эченә ала: авыл җирлеге, мәдәният йорты, почта һәм китапханә. Яңартылган объектны авыл халкы зур туземсезлек белән көтеп алган, чөнки ул берничә буын очрашу урыны булып тора.

Тантана барышында район башлыгы, авылдашларны шатлыклы вакыйга белән котлап, мәдәният йорты директоры Мария Петровага Рәхмәт хаты тапшырды.

Авылдашлар исеменнән чыгыш ясаган Елизавета Исакова Анатолий Иванов белән Степан Спиридоновка рәхмәт белдерде. Клубта ике фольклор коллектив – «Тәңкәләр» балалар, «Җиңгәчәйләр» ансамбльләре һәм театр сөючеләр түгәрәге эшләп килуе турында да искәртте ул.

Сүз уңаеннан, Кайбыч районы Хозесан авылы клубында да зур төзекләндерү эшләре узды. Менделеевск районы Иске Гришкин авылы мәдәният йорты, ремонттан соң, «Керәшен үзәге» булып ачылачак.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10