ҺАВА ТОРЫШЫ +7 oC

Яңалыклар

барлык хәбәрләр Татарстан Россия

Хәвеф-хәтәр

Буа районында янгын сигналы өч бала белән әниләренең гомерен саклап калган

25 август 2019, 10:35 , Фото: ГУ МЧС России по РТ

Буа районында янгын сигналы өч бала белән әниләренең гомерен саклап калган
 Төнлә Никольские Сороки авылында шәхси йорт янган.

(Казан, 25 август, «Татар-информ»). Буа районында янгын турында хәбәр бирүче җайланма өч бала белән әниләренең гомерен саклап калган. Бу хакта Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

«Бүген 1.55 сәгатьтә Никольские Сороки авылында йорт януы турында хәбәр килде. Ут бөтен йортны колачлап алган һәм якын-тирәдә торган сарайга күчү куркынычы булган», - дип сөйләделәр Гадәттән тыш хәлләр министрлыгында.

Ярты сәгатьтән соң 84 квадрат метр мәйданда янгын тулысынча сүндерелде. Башлангыч фараз буенча, янгын сәбәбе булып, электр җиһазларыннан файдалану кагыйдәләре бозылу тора.

Янгын сүндерүчеләр ачыклаганча, 2016 елда президент программасы кысаларында урнаштырылган җайланма ярдәмендә, йорттагы өч баласы белән 42 яшьлек ана гомере коткарып калынган. Авыл советы рәисе гаиләне төнгә күршеләренә урнаштырган. Киләчәктә алар Буага китәргә җыена, анда шулай ук шәхси йортлары бар.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10