ҺАВА ТОРЫШЫ +6 oC

Яңалыклар

барлык хәбәрләр Татарстан Россия

Икътисад

Актанышта шәхси эшмәкәрләр мөһим мәсьәләләрне чишү юллары буенча фикер алыштылар

25 август 2019, 06:00 , Фото: Лилия Бәхтиева

Актанышта шәхси эшмәкәрләр мөһим мәсьәләләрне чишү юллары буенча фикер алыштылар Урта һәм кече бизнес вәкилләренә "Тикшерелгән бизнес" электрон журналы хакында тулы мәгълүмат бирделәр.

(Актаныш, 25 август, "Татар-информ", "Актаныш-информ", Лилия Бәхтиева). 23 августта хакимият бинасының утырышлар залында район башлыгы Энгель Фәттахов рәислегендә урта һәм кече бизнес вәкилләренең, шәхси эшмәкәрләренең чираттагы киңәшмәсе үтте. Бу турыда район басмасы хәбәр итә.

"Дәүләт органнары тарафыннан тикшерүләр үткәреләме?" темасы астында оештырылган эшлекле очрашу барышында, гадәттәгечә, әлеге тармак вәкилләре өчен гаять мөһим мәсьәләләр күтәрелеп, аларны чишү юнәлешендә сөйләшүләр алып барылды.

Дәүләт органнары тарафыннан оештырылучы тикшерүләргә әзерлек, аларга куелган таләпләр хакында залда утыручыларга вәкаләтле вәкилләр аңлатып, эшмәкәрләр тарафыннан кергән сорауларга җаваплар бирелде.

Район башкарма комитет җитәкчесенең икътисад буенча урынбасары Лиана Сираева чарада катнашкан урта һәм кече бизнес вәкилләренә "Тикшерелгән бизнес" электрон журналы хакында тулы мәгълүмат бирде.

Чыннан да, бүгенге көндә “Тикшерелгән бизнес” интернет-ресурс – бу эшмәкәрләр өчен контроль-күзәтчелек өлкәсендә бик файдалы белемнәр базасы. Әлеге электрон журнал эшмәкәрләр өчен төп белемнәрне, республиканың тикшерү-күзәтү органнары турында мәгълүматны, файдалы видеороликларны, шулай ук бизнес вәкилләре тарафыннан хокук бозуның ешрак очрый торган очраклары һәм аларны бетерү чараларын чагылдырган белешмәлекне үз эченә туплый.

Әлеге ысулны дөрес кулланганда, ул эшкуарларга хакимият органнары вәкилләре белән ачык һәм тигез югарылыктан диалог алып барырга мөмкинлек бирә, мондый эшнең нәтиҗәләре эшкуарлар өчен санкцияләрнең кимүенә дә китерә.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10