ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Мәдәният

Башкортстанның Туймазы театры «Авыл адвокатлары» спектаклен тәкъдим итә

24 август 2019, 13:11

«Авыл адвокатлары» спектакле Мостай Кәримнең тууына 100 ел тулуга багышланган.

(Казан, 24 август, «Татар-информ»). Туймазы дәүләт татар драма театрында яңа спектакль репетицияләре башланды. XXIX театр сезонында коллектив Башкортстанның халык шагыйре, язучы һәм драматург Мостай Кәримнең повесте буенча «Авыл адвокатлары» спектаклен тәкъдим итә. Спектакльне Зөһрә Буракаева сәхнәләштергән. Бу турыда «Башинформ» хәбәр итә.

Премьераны театрның баш режиссеры Илнур Муллабаев эшли. «Авыл адвокатлары» спектакле Мостай Кәримнең тууына 100 ел тулуга багышланган.

Мостай Кәримнең повесте 1987 елда язылган. Китап өч дус - игелек һәм гаделлек көрәшчеләренең язмышы турында сөйли. Элеккеге авыл малайлары, өч яшьтәш Кашфулла, Корбангали һәм Нурисламның тормышы авылдашлар-күршеләр язмышлары белән генә түгел, илдә булган барлык вакыйгалар белән дә тыгыз бәйләнгән.

Мостай Кәрим халык сөйләме ярдәмендә көнүзәк проблемалар турында сөйли, балалар хатирәләре аша җитди проблемалар күтәрә.

Элегрәк «Авыл адвокатлары» спектакле Салават Башкорт драма театрында «Ерҙәштер» («Якташлар») исеме белән куелган. Аны Мәскәү режиссеры Антон Федоров сәхнәләштергән һәм куйган.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10