ҺАВА ТОРЫШЫ +5 oC

Яңалыклар

барлык хәбәрләр Татарстан Россия

Җәмгыять

Түбән Камада "Игътибар - балалар!" акциясе башлана

24 август 2019, 01:00

Түбән Камада Әлеге акциянең төп максаты - балалар катнашында килеп чыккан юл фаҗигаләре санын киметү.

(Казан, 24 август, "Татар-информ"). Түбән Каманың ЮХИДИ бүлеге 26 августтан "Игътибар - балалар!" ункөнлеген башлый. Бу турыда Түбән Кама муниципаль районы рәсми сайтында хәбәр ителә.

Әлеге акциянең төп максаты - балалар катнашында килеп чыккан юл фаҗигаләре санын киметү. Акция барган чорда юл йөрү кагыйдәләрен бозучы балалар контрольгә алыначак. Шулай ук тиешле тизлекне сакламаучы, җәяүлеләргә юл бирмәүче, балаларын махсус утыргычларга утыртмый юлга чыкканнарга да таләпләр катгый булачак.

Соңгы 7 айда Түбән Кама муниципаль районы юлларында балалар һәм яшүсмерләр катнашында 46 юл-транспорт һәлакәте булган, аларда 47 бала имгәнгән. Соңгы вакытта велосипедчыларны таптату ешайды, балалар катнашында шундый 8 очрак теркәлгән.

Исегезгә төшерәбез, “Велики” балалар шәһәрчеге ишекләре барлык теләүчеләр өчен дә ачык. Биредә балалар әти-әниләре белән бергә юл хәрәкәте кагыйдәләре буенча викториналарда һәм велосипедларда узышларда катнаша алалар. Күптән түгел паркта велосипедлар музее да ачылды.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10