ҺАВА ТОРЫШЫ +3 oC

Яңалыклар

барлык хәбәрләр Татарстан Россия

Рәсми Татарстан

Миңнеханов Швейцариянең Икътисад һәм фән департаменты башлыгы белән очрашты

23 август 2019, 20:44 , Фото: tatarstan.ru

Миңнеханов Швейцариянең Икътисад һәм фән департаменты башлыгы белән очрашты
 Очрашу WorldSkills Kazan 2019 чемпионаты кысаларында «Казан Экспо» күргәзмә үзәгендә узды.

(Казан, 23 август, «Татар-информ»). Бүген Татарстан Президенты Рөстәм Миңнеханов Швейцариянең икътисад, фән һәм фәнни тикшеренүләр федераль департаменты башлыгы Ги Пармелен белән очрашты. Бу хакта Татарстан Президенты матбугат хезмәте хәбәр итә.

Очрашу WorldSkills Kazan 2019 чемпионаты кысаларында «Казан Экспо» күргәзмә үзәгендә узды.

«Рөстәм Миңнеханов Ги Пармеленга Казанга ярышларга җибәрелгән мәртәбәле делегация өчен рәхмәт белдерде. WorldSkillsта Швейцарияне 41 спортчы, 43 эксперт һәм 9 техник белгеч тәкъдим итә», - диелә хәбәрдә.

Рөстәм Миңнеханов сүзләренчә, Россия-Швейцария мөнәсәбәтләре кысаларында Татарстан Швейцария белән хезмәттәшлекне үстерергә тели. Бүген Швейцария бизнесы вәкилләре Татарстан компанияләре белән фармацевтика, төзелеш, компрессорлар һәм коммуналь техника җитештерү юнәлешләрендә эшлиләр.

«Безнең товар әйләнеше әлегә зур түгел — 112 млн доллар», - диде республика җитәкчесе. Әмма, аның сүзләренчә, Татарстанның сәүдә-икътисади элемтәләрне үстерү өчен кирәкле потенциалы бар.

«Татар-информ» элек хәбәр иткәнчә, Ги Пармелен WorldSkills Kazan 2019 оештырылуын югары бәяләгән һәм чемпионат инфраструктурасы сыйфатына аерым игътибар биргән.


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10