ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Авыл

Зәйдә шикәр чөгендерен ала башладылар

23 август 2019, 05:00 , Фото: zainsk-rt.ru/news/ya%D2%A3alyiklar/zy-shikr-chgendere-aluny-bashlady

Зәйдә шикәр чөгендерен ала башладылар Беренче мәйданнардан уртача уңыш гектарыннан 400 центнер тәшкил итә.

(Зәй, 23 август, "Татар-информ", "Зәй офыклары", Николай Шамионов). Зәй районы агрофирмалары шикәр чөгендерен ала башлады. Бу турыда җирле басма хәбәр итә.

Районның төп авыл хуҗалыгы культурасы булган татлы тамыразык быел 9337 гектар мәйданда үстерелде. Уңыш җыюга берьюлы 12 “Ропа” комбайны һәм 4 “Ропа-Маус” чөгендер төяү техникасы кереште. Беренче мәйданнардан уртача уңыш гектарыннан 400 центнер тәшкил итә.

-Районның барлык агрофирмалары да чөгендер алуны башлады. Шикәр заводы планы нигезендә 22 августтан 5 сентябрьгә кадәр чөгендер заводның тәүлеклек эшкәртү нормасы күләмендә генә казыла, ул - 8 мең тонна. 5 сентябрьдән башлап тәүлеклек эш режимына күчәбез. 25 августта шикәр заводы яңа шикәр кайнату сезонын башлый. Барлык комбайннар механизаторлар белән тәэмин ителгән, - диде район башлыгы Разиф Кәримов.

Быел район заводка эшкәртүгә 450 мең тонна татлы тамыразык тапшыруны максат итеп куя.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10