ҺАВА ТОРЫШЫ +7 oC

Яңалыклар

барлык хәбәрләр Татарстан Россия

Авыл

Түбән Камада узган атнаның иң яхшы комбайнчысы ачыкланды

23 август 2019, 00:00

Түбән Камада узган атнаның иң яхшы комбайнчысы ачыкланды Алексей Калеев 1410 тонна ашлык суктырып, ул игенчеләр арасында беренче бара.

(Казан, 23 август, "Татар-информ"). Түбән Кама муниципаль районы башкарма комитеты җитәкчесе урынбасары Альфред Нигъмәтҗанов җитәкчелегендәге эшче төркем кырларда урып-җыю барышын бәяләде, атнаның иң яхшы комбайнчыларына бүләкләр тапшырды. Бу турыда Түбән Кама муниципаль районы рәсми сайтында хәбәр ителә.

Бүгенге көндә хуҗалыкларда урып-җыю тулы куәтенә бара. Игенчеләребез иртә таңнан караңгы төшкәнчегә кадәр кырда. Максат бер - уңышны тиз арада югалтуларсыз җыеп алу.

Быел Түбән Кама районында иген культуралары 23 350 га мәйданда чәчелгән. Хәзерге вакытта 8000 гектардан артык мәйданда ашлык җыелган, бу барлык җирләрнең якынча 37 процентын тәшкил итә. Шулай ук көзге культураларны чәчүгә дә керешкәннәр.

Иң яхшы комбайнчы Алексей Калеев 1 410 тонна ашлык суктырып, ул игенчеләр арасында беренче бара. Аңа өч мең сум күләмендә премия дә тапшырылды. Билгеле булганча, урып-җыю йомгаклары буенча Алексей Калеев узган ел иң яхшы комбайнчы буларак танылды, республика дәрәҗәсендә дә 50 мең сум күләмендә премия алды.

Кыр батырлары арасында икенче урында - Илгиз Рәхимов, өченчедә Сергей Поглев бара. Елантау кырында барган тәбрикләү тантансында игенчеләргә Түбән Каманың “Илһам” ансамбле дә үз җырларын бүләк итте.


 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10