ҺАВА ТОРЫШЫ +14 oC

Яңалыклар

барлык хәбәрләр Татарстан Россия

Авыл

Апас районында алдынгы комбайнчыларга премия тапшырыла

22 август 2019, 22:00 , Фото: apastovo.ru/

Апас районында алдынгы комбайнчыларга премия тапшырыла Премиянең күләме - 5 мең сум.

(Апас, 22 август, "Татар-информ", "Апас-информ", Гүзәл Хилавиева). Апаста һәр көнне 3-4 экипажга премия тапшырыла. Йомралы берләшмәсе игенчеләре Дамир Фазлыев, Илназ Ибәтов район башлыгы Рәшид Заһидуллин кулыннан 5 мең сумлык премия алдылар.  Бу турыда район басмасы хәбәр итә.

Район башлыгы аларга Апас күренешләре белән календарь, кепкалар һәм суктырган тонналарын язып барыр өчен ручкалар бүләк итте. Игенчеләргә сәламәтлек, гаиләләрендә тигезлек, иминлек, эшләрендә уңышлар теләде.

Комбайнчы егетләр исә чын күңелдән рәхмәтләрен ирештерделәр.

"Һава шартлары яхшы торганда көнне төнгә ялгап, ике сменада эшлибез. Кырга килеп тәмле итеп ашаталар. Икмәк әйбәт чыга. Әлеге кырда 40 центнер уңыш чыга. Премия алгач тагын да күңел үсә. Күп сөйләргә вакыт юк, эшләргә кирәк", - дип эшкә кузгалды яшь комбайнчы Илназ Ибәтов.
 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10