ҺАВА ТОРЫШЫ +5 oC

Яңалыклар

барлык хәбәрләр Татарстан Россия

Фән һәм мәгариф

Әлмәт мөгаллимнәре август киңәшмәсендә киләчәккә бурычлар билгеләде

22 август 2019, 23:00 , Фото: Ирина Апачаева

Әлмәт мөгаллимнәре август киңәшмәсендә киләчәккә бурычлар билгеләде Әлмәттә күптелле белем бирү комплексы төзеләчәк.

(Әлмәт, 22 август, "Татар-информ", "Әлмәт таңнары", Ирина Апачаева). Әлмәт мөгаллимнәре һәм тәрбиячеләре август киңәшмәсенә җыелып, киләчәккә план корды, бурычлар билгеләде. "Быелгы конференция «Белем бирүнең эчтәлеген яңарту һәм сыйфатын күтәрүнең стратегик максатлары һәм актуаль бурычлары" темасына багышланды. Бу турыда җирле басма хәбәр итә.

Төп доклад белән мәгариф идарәсе начальнигы Ирина Павловская чыгыш ясады. Билгеләп үтелгәнчә, район мәгариф системасында уңышлар да, хәл итәсе мәсьәләләр дә бар. Шәһәрдә һәм районда барлыгы 88 мәктәпкәчә балалар учреждениесе эшли. Аларга балаларның 77,1 проценты йөри. 3 яшьлек һәм аннан зур булган балаларның һәммәсе бакчадан урыннар белән тәэмин ителгән. 1,5 яшьтән алып 3 яшькә кадәрге 3 меңнән артык бала чират көтә.

Кадрлар белән тәэмин ителеш шулай ук көн кадагындагы сорауларның берсе. Бүген мәгариф учреждениеләрендә 6 меңнән артык кеше хезмәт куя. Шуның 3069 ы мәктәптә, шул исәптән 1763 е укытучы булып. Мәктәпләргә математика, физика, химия, информатика, башлангыч сыйныф укытучылары кирәк. Укучыларның ике сменада укуы да җитди проблема булып тора. 2, 11, 12, 24, 25, 2 нче лицей шул рәвешле укытырга мәҗбүр.

Республикада 2022 елга кадәр алты күптелле белем бирү комплексы төзү планлаштырыла. Аның берсе Әлмәттә булачак. Әлеге комплекста балалар татар, рус, инглиз телләрендә укыячак. Комплекс составына 1, 8, 22, 27, 35, 46, 51нче балалар бакчалары кертелә.

Һәр елдагыча, укытучылар һәм тәрбиячеләр август киңәшмәсенә ныклап әзерләнә. Бу юлы да күргәзмә оештырылган иде.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10