ҺАВА ТОРЫШЫ -13 oC

Яңалыклар

барлык хәбәрләр Татарстан Россия

Хәвеф-хәтәр

Парковка өчен күршесен кыйнаган Казан кешесен хөкем иткәннәр

22 август 2019, 14:21

37 яшьлек ир-ат үз гаебен тулысынча таныган.

(Казан, 22 август, «Татар-информ»). Парковкада урын өчен күршесен кыйнаган Казанда яшәүче 37 яшьлек ир-атны шартлы рәвештә ирегеннән мәхрүм иткәннәр. Бу хакта «Татар-информ» агентлыгына ТР прокурорының өлкән ярдәмчесе Руслан Галиев хәбәр итте.

«Судта ачыкланганча, вакыйга 17 майда Казанда булган. 37 яшьлек ир-ат Декабристлар урамындагы бер йорт янында парковка урыны өчен шул тирәдә яшәүче икенче бер ир-ат белән ачуланышып киткән. Нәтиҗәдә, хөкемгә тартылган ир-ат күршесенең йөзенә берничә тапкыр суккан», - дип сөйләде Руслан Галиев агентлыкка.

Конфликт нәтиҗәсендә җитди тән җәрәхәтләре алган ир-атны хастаханәгә озатканнар.

Сугыш чукмарын кулга алганнар. Ул үз гаебен тулысынча таныган һәм тәүбә иткән. Суд ир-атны бер елга шартлы рәвештә ирегеннән мәхрүм итү турында карар чыгарган.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10