ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Икътисад

Кукмара эшмәкәрләре районда бизнес-климатны яхшырту буенча тәкъдимнәрен җиткерде

21 август 2019, 22:00 , Фото: kukmor-rt.ru/

Кукмара эшмәкәрләре районда бизнес-климатны яхшырту буенча тәкъдимнәрен җиткерде Очрашуда яңгыраган барлык тәкъдимнәр дә алдагы елларга районның "юл картасына" кертеләчәк.

(Кукмара, 21 август, "Татар-информ", "Хезмәт даны"). Кукмараның Манзарас урта мәктәбе базасында стратегик сессия узды, анда 35 эшмәкәр һәм 7 үзмәшгульлеген оештыручы кешеләр чакырылган иде. Сессиядә район башлыгы Сергей Димитриев та катнашты. Бу турыда район басмасы хәбәр итә.

Чарада катнашучылар төзелеш, үзмәшгульлек, авыл хуҗалыгы, җитештерү, сәүдә һәм хезмәт күрсәтү кебек төркемнәргә бүленеп, түгәрәк өстәл артында районда бизнес-климатны яхшырту буенча ниләр эшләргә кирәклеге турында фикер алыштылар. Соңыннан әңгәмә нәтиҗәләрен башкаларга да тәкъдим иттеләр. Һәр төркемдә хакимият һәм контроль-күзәтчелек органнары вәкилләре дә бар иде.

Аралашу барышында районда салым хезмәте булмау, квалификацияле кадрлар кытлыгы, югары салымнар, төзелеш заказларын алу катлаулылыгы, документ эшен тизләтү кирәклеге, дәүләт ярдәменнән файдалану тәртибе һәм башка проблемалар күтәрелде.

"Мин "җитештерү" төркемендә эшләдем һәм презентациядә кадрлар җитмәү проблемасын күрсәттем. Мондый очрашулар кирәк, мин биредә бик күп файдалы мәгълүмат алдым һәм безнең проблеманы хәл итеп булачагына инандым" - диде "Тәҗмиев" крестьян-фермер хуҗалыгында хисапчы булып эшләүче Гөлнара Салихова. 

Очрашуда яңгыраган барлык тәкъдимнәр дә алдагы елларга районның "юл картасына" кертеләчәк.

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10