ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Рәсми Татарстан

Мөхәммәтшин: Казанда WorldSkills чемпионатын уздыру - дәрәҗә һәм зур җаваплылык

21 август 2019, 16:50 , Фото: gossov.tatarstan.ru

Мөхәммәтшин: Казанда WorldSkills чемпионатын уздыру - дәрәҗә һәм зур җаваплылык Татарстан парламенты җитәкчесе Казанда WorldSkills International Генераль ассамблеясе утырышында чыгыш ясады.

(Казан, 21 август, «Татар-информ»). WorldSkills хәрәкәте яшьләрнең потенциалын ачарга, аларның үз көчләренә һәм уңышлы киләчәгенә ышанычларын ныгытырга ярдәм итә. Бу хакта бүген Татарстан Дәүләт Советы Рәисе Фәрит Мөхәммәтшин WorldSkills International Генераль ассамблеясы утырышында хәбәр итте.

Фәрит Мөхәммәтшин утырышта катнашучыларны республика җитәкчелеге һәм татарстанлылар исеменнән сәламләде. «Татарстан башкаласы мондый югары дәрәҗәдәге чараларны беренче тапкыр гына оештырмый – без Универсиаданы, ФИНА чемпионатын, футбол мундиале уеннарын кабул иттек. Әмма һәрберсе - зур дәрәҗә һәм зур җаваплылык», - диде республика парламенты башлыгы.

Ул WorldSkills Internationalда катнашучы илләр вәкилләренә, Татарстанга 45нче Бөтендөнья эшче һөнәрләр чемпионатын уздыру ышанычы өчен, рәхмәт әйтте.

Татарстан Дәүләт Советы Рәисе иртәгә 45нче WorldSkills дөнья чемпионаты ачылачагын искәртте. «Безнең өчен, һичшиксез, чара гына түгел, ә иң беренче чиратта дөнья дәрәҗәсендәге технологияләр һәм стандартлар, ихтыяҗ булган һөнәрләр белән танышу, аларның илдә популярлыгын арттыру да мөһим», — дип саный республика парламенты башлыгы.

Фәрит Мөхәммәтшин кабул итүче як хокукларында Франциянең Лион һәм Япониянең Айти префектурасы вәкилләренә 2023 елда WorldSkills дөнья чемпионатын уздыру хокукы өчен көрәштә уңышлар теләде.

  • WorldSkills Генераль ассамблеясы ике елга бер тапкыр уздырыла. Съездда WorldSkills International (WSI) әгъзалары булган барлык илләрдән вәкилләр катнаша. Бүген Ассамблея химаясында дөньяның 68 иленнән 600дән артык кеше җыелды. Съездда Россияне WorldSkills Russia делегациясе тәкъдим итә, аны берлек генераль директоры Роберт Уразов җитәкли.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10