ҺАВА ТОРЫШЫ +8 oC

Яңалыклар

барлык хәбәрләр Татарстан Россия

Җәмгыять

Мөслимнең бер авылында Сабантуй мәйданчыгы ясадылар

21 август 2019, 03:00

Мөслимнең бер авылында Сабантуй мәйданчыгы ясадылар Бу эш үзара салым акчасы хисабына башкарылды.

(Мөслим, 21 август, "Татар-информ", "Мөслим-информ"). Мөслимнең Вәрәшбаш авыл җирлегенә караган Иске Вәрәш авылында бик матур итеп Сабантуй мәйданчыгы ясадылар. Бу эш үзара салым акчасы хисабына башкарылды. Бу турыда җирле басма хәбәр итә.

“Фирман” егетләре иске коймаларын сүтеп, профнастилдан яңа койма койдылар. Сабантуй мәйданчыгы өчен Игорь Бубеков эшчеләре тимердән түбәле, артлы 8 утыргыч (12 кешелек) ясап бирделәр. Шушы ук авылда 10 кое төбендәге крестовинаны пластмасса торбага алыштырдылар. Иске Вәрәш авылында асфальт юлга “Мост” оешмасы чокыр ремонты үткәрде.

Вәрәшбаш авылында мәктәп белән балалары бакчасы урнашкан бина каршына балалар мәйданчыгы өчен җиһазлар кайтардык. Аны Казан шәһәренең “Ксейл” оешмасы егетләре урнаштырды. Шушы ук авылда һәйкәл янын профнастил койма белән әйләндереп алдык. Бу эшне Илдар Гәрәев егетләре башкарды.

"Бөек Җиңүнең 75 еллыгына һәйкәл янына брусчатка җәю планлаштырыла. Ике авылда да су башнясының насослары алыштырылды. Әлеге эшләр барысы да халыктан җыелган үзара салым акчасы хисабына башкарылды", - дип сөйләде Вәрәшбаш авыл җирлеге башлыгы Зинфира Маннанова.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10