ҺАВА ТОРЫШЫ +14 oC

Яңалыклар

барлык хәбәрләр Татарстан Россия

Спорт

Кукмара районында тагын бер спорт мәйданчыгы ачылды

21 август 2019, 09:00

Кукмара районында тагын бер спорт мәйданчыгы ачылды
Хәзер балалар физкультура белән шөгыльләнәчәк, яшьтәшләре белән аралашачак.

(Кукмара, 21 август, "Татар-информ", "Хезмәт даны"). Кукмараның Урта Комар авылында күпфункцияле спорт мәйданчыгы ачылды. Ул урта мәктәп бинасы янында урнашкан. Бу турыда район басмасы сайтында хәбәр ителә.

Мәйданчыкны ачу тантанасында район башлыгы Сергей Димитриев, "Әсәнбаш-Агро" җәмгыятенең директоры Рөстәм Мөбарәкшин, Урта Комар авыл җирлеге башлыгы Юрий Исынбаев һәм башкалар катнашты.

"Җәйге чорда спорт мәйданчыклары төзү программасы буенча районда шундый ике корылма төзелде, аның берсе - Түбән Үрәс авылында һәм икенчесе - Урта Комарда. Хәзер балалар вакытларын файдалы итеп үткәрәчәк: физкультура белән шөгыльләнәчәк, яшьтәшләре белән аралашачак", - диде Юрий Исынбаев.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10