ҺАВА ТОРЫШЫ +15 oC

Яңалыклар

барлык хәбәрләр Татарстан Россия

Җәмгыять

Әлмәт республикада иң тыныч шәһәрләр рәтенә кергән

21 август 2019, 06:00

Сораштыру нәтиҗәләре буенча Әлмәт мөмкин булган 10 баллдан 6,6 балл җыйган. Бу Россия буенча уртача күрсәткеч.

(Әлмәт, 21 август, "Татар-информ", "Әлмәт таңнары"). Урамдагы шау-шу, тавыш дәрәҗәсе буенча Россия шәһәрләренең ел саен үткәрелә торган рейтингында Әлмәт 68нче урынны били. Тикшеренүләрне Domofond порталы белгечләре үткәрде. Бу турыда җирле бама хәбәр итә.

Сораштыруда 90 меңнән артык кеше катнашкан.

"Мин тыныч районда яшим, урамдагы тавыш мине борчымый диярлек" дигән фикерне 1-10 балл шкаласы буенча бәяләде. "Бу фикер белән тулысынча риза түгел" 1 балл, "тулысынча риза" 10 балл белән бәяләнә. Һәр шәһәрнең уртача балы исәпләнеп, халыкның урамдагы тавышның дәрәҗәсен ничек бәяләвен билгеләделәр.

Сораштыру нәтиҗәләре буенча Әлмәт мөмкин булган 10 баллдан 6,6 балл җыйган (68 нче урын). Бу Россия буенча уртача күрсәткеч. Рейтингта Казан 6,5 балл туплап, 84 нче урында булса, Түбән Кама 79 нчы (6,6 балл) һәм Чаллы 89 нчы урынны (6,5 балл) алган. Миллионлы шәһәрләрдән беренче йөзлеккә Казан, Пермь, Краснодар һәм Уфа эләккән.

Тынычлык дәрәҗәсе буенча лидерлар рәтенә Калининград өлкәсе, Краснодар һәм Ставрополь крайлары шәһәрләре кергән.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10