ҺАВА ТОРЫШЫ +7 oC

Яңалыклар

барлык хәбәрләр Татарстан Россия

Фән һәм мәгариф

Беренче сыйныф укучылары көнгә ничә дәрес укырга тиешлеген әйттеләр

20 август 2019, 18:00

Пәнҗешәмбе һәм җомга көннәрендә җиңел көннәр ясарга киңәш ителә.

(Казан, 20 август, «Татар-информ»). Беренче сыйныф укучылары өчен дәресләр көнгә дүрттән артык булмаска тиеш, 2-4 сыйныф укучылары өчен биштән артык дәрес ярамый. Бу хакта, Роспотребнадзор матбугат хезмәтенә нигезләнеп, РИА Новости хәбәр итә.

"Уку атнасы дәвамында сыйныфка карап (1нче сыйныф өчен 21 академик сәгатьтән алып 10-11нче сыйныф өчен 37 академик сәгатькә кадәр) тигез бүленергә тиеш. Бу вакытка өй эшен эшләү вакыты кертелми. Көн дәвамында мөмкин булган кадәр аудитор йөкләнеше күләме түбәндәгечә: беренче сыйныф укучылары өчен дүрт дәрестән артмаска тиеш; 2-4 сыйныф укучылары өчен биш дәрестән дә артык түгел», - диелә хәбәрдә.

5-6 сыйныф укучыларына көненә алтыдан артык дәрес куярга киңәш ителми, ә 7-11 сыйныфлар өчен дәресләр җидедән артмаска тиеш дип ачыклык керттеләр матбугат хезмәтендә.

Моннан тыш, расписание төзегәндә укучыларның көндезге һәм атналык эшкә сәләтлелеген һәм предметларның авырлыгын исәпкә алырга кирәк, шуңа күрә катлаулылыгы буенча төрле предметларны чиратлаштырырга киңәш ителә. Пәнҗешәмбене һәм җомганы җиңеләйтергә кирәк.

Кулланучылар хокукларын яклау һәм кеше иминлеге өлкәсендә күзәтчелек федераль хезмәте шулай ук 1-2 сыйныф укучыларына дәресләрдә компьютер артында 20 минут, 3-4 сыйныф укучыларына 25 минут, 5-6 сыйныф укучыларына 30 минут, ә өлкән сыйныф укучыларына 35 минуттан да артык утырмаска тиешлеген искәртә.

Башлангыч сыйныфларда интерактив тактаны биш минут, 5-11 сыйныфларда 10 минуттан артык кулланырга ярамый. Гомумән, гаджетлар белән эшләүне уку яки язу белән чиратлаштырырга тәкъдим итәләр.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10