ҺАВА ТОРЫШЫ +9 oC

Яңалыклар

барлык хәбәрләр Татарстан Россия

Рәсми Татарстан

Рөстәм Миңнеханов WorldSkills авылын ачты

20 август 2019, 13:45 , Фото: Владимир Васильев

Рөстәм Миңнеханов WorldSkills авылын ачты "Без сезгә монда уңайлы булсын өчен тырышачакбыз", - диде Татарстан Президенты.

(Казан, 20 август, "Татар-информ", Гөлнар Гарифуллина). Бу минутларда Казанда WorldSkills авылы ачылды. Тантанада Татарстан Президенты Рөстәм Миңнеханов катнаша.

Республика башлыгы "Хәерле көн" дип татарча мөрәҗәгать итте. "Безнең өчен бүген WorldSkills флагын күтәрү зур мәртәбә", - диде ул. Президент WorldSkills International җитәкчесе Саймон Бартлига шушы проект өчен рәхмәтен җиткерде.

"Ике көннән чемпионатны ачачакбыз. Күргәзмә үзәге, авыл әзер, без дә чемпионатка әзер. Без 63 илнең иң яхшы вәкилләрен сәламлибез. Уңышлы ярышлар сезгә! Безнең шәһәр, республика сезгә ошар дип уйлыйм. Киләчәктә элемтәләр өчен формаларын табарбыз. Без сезгә монда уңайлы булсын, сез ошатып китсен өчен барысын да эшләячәкбез", - диде Рөстәм Миңнеханов.

Бүген биредә WorldSkills флагы күтәреләчәк. Аннары чемпионатта катнашучы 63 ил делегациясен сурәтләгән 63 төп туя агачы утыртыла.

  • 22-27 августта Казанда 2019 елның WorldSkills  стандартлары нигезендә һөнәри осталык буенча 45 нче дөнья чемпионаты узачак. Барлыгы 63 илдән 1300 дән артык конкурсант 56 компетенция буенча осталыкта сынашачак.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10