ҺАВА ТОРЫШЫ +7 oC

Яңалыклар

барлык хәбәрләр Татарстан Россия

Җәмгыять

Башкортстанда автобус пассажирлары өчен «бәхетле сәгать» системасы кертелә

20 август 2019, 13:38

«Безнең җәмәгать транспорты илдә иң яхшысы булачак», - ди Радий Хәбиров.

(Казан, 20 август, «Татар-информ»). Башкортстанда җәмәгать транспортында түләгәндә «бәхетле сәгать» системасы эшли башлаячак. Бу хакта «Башинформ» агентлыгы хәбәр итә.

«1 сентябрьдән мультимодальлеккә күчәбез. Бер сәгать эчендә, бер тапкыр «Алга» картасы белән түләп, Башавтотрансның берничә автобусына күчеп утырып йөреп булачак. Алга таба «бәхетле сәгать»кә трамвай, троллейбус, электричкаларны да өстәячәкбез», - дип язган Башкортстан Республикасы Башлыгы вазифаларын вакытлыча башкаручы Радий Хәбиров социаль челтәрләрдәге үз сәхифәсендә. 

«Кайбер коммерцияле автотранспорт предприятиеләре әлегә бу программага кушылу кирәклеген аңламый. Без үз сүзебездә торабыз һәм эзлекле рәвештә эш итәбез. Безнең җәмәгать транспорты илдә иң яхшысы булачак», - дип ышана Радий Хәбиров.

Бүген «Башавтотранс» дәүләт унитар предприятиесе тагын 102 автобус алган. Аларның 60ы – аз кеше сыйдырышлы, 42се – урта класска карый.


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10