ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Хәвеф-хәтәр

Түбән Камада сөяркәсенә кайнар су сипкән ир-атны хөкем итәләр

19 август 2019, 21:20

36 яшьлек ир-ат гаебен танымаган.

(Казан, 19 август, «Татар-информ»). Түбән Камада яшәүче 36 яшьлек ир-атны хөкем итәчәкләр. Ул көнләшеп, бергә яшәгән хатын-кыз өстенә кайнар су сипкән. Бу хакта «Татар-информ»га Татарстан прокурорының өлкән ярдәмчесе Руслан Галиев хәбәр итте.

«Тикшерү фаразлары буенча, 22 февральдә 36 яшьлек ир-ат көнләшеп, бергә яши торган хатыны белән җәнҗал чыгарган. Шуннан соң ир-ат хатын-кызга кайнар су сипкән», - диде Галиев.

Әлеге хәлдән соң хатын-кыз сәламәтлегенә җиңелчә зыян килә.

Көнче ир-атны тоткарлыйлар. Аңа «Аңлы рәвештә сәламәтлеккә җиңелчә зыян салу» маддәсе буенча гаеп белдерелгән. Ир үз гаебен танымаган.
Җинаять эше карау өчен судка тапшырылган.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10