ҺАВА ТОРЫШЫ +2 oC

Яңалыклар

барлык хәбәрләр Татарстан Россия

Авыл

Кама буе зонасында шәхси хуҗалыкта сыерлар саны кимегән районнар билгеле булды

19 август 2019, 17:50 , Фото: Салават Камалетдинов/архив

Кама буе зонасында шәхси хуҗалыкта сыерлар саны кимегән районнар билгеле булды "Сыер тотуга күндерүнең иң яхшы ысулларының берсе - сөт бәяләрен күтәрү", - дип Марат Әхмәтов.

(Чаллы, 19 август, "Татар-информ", Гөлнар Гарифуллина). Тукай районында авыл халкының эшлеклелек активлыгын арттыру буенча семинар-киңәшмәдә шушы зонага кергән районнарда шәхси хуҗалыкларда сыерлар саны кимегәне әйтелде. Бу хакта ТР вице-премьеры - авыл хуҗалыгы һәм азык-төлек министры Марат Әхмәтов чыгышыннан билгеле булды.

2019 елның гыйнварына зона буенча сыерлар барлыгы 2002 башка кимегән.

2018 ел белән чагыштырганда, Ютазыда сыерлар саны 118, Тукай районында 102, Сарманда 96, Түбән Камада 52, Алабугада 25, Мендлеевскида 2, Мөслимдә 288, Зәйдә 241, Азнакайда 231, Баулыда 215, Минзәләдә 188, Актанышта 163, Әгерҗедә 141, Бөгелмәдә 140 башка кимегән.

"Сыер тотуга күндерүнең иң яхшы ысулларының берсе авыл хуҗалыгы продукциясенә яхшы бәяләр. Монда проблема бар. Районнарның яртысында сөт бәяләре республика буенча уртача күрсәткеч дәрәҗәсендә, калганнарында түбән, кими бара. Район һәм авыл җирлеге башлыклары, идарә механизмнары сездә", - диде Әхмәтов.

Ул Балтач, Буаны мисал итеп китерде. "Аларда җәйге кызу чорда сөт бәясе литры өчен 20 сумнан төшмәде", - диде министр. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10