ҺАВА ТОРЫШЫ +9 oC

Яңалыклар

барлык хәбәрләр Татарстан Россия

Икътисад

Төркия, Әзәрбайҗан һәм Россия сәнәгать өлкәләрендә хезмәттәшлекне ныгытачак

19 август 2019, 13:43

Өч ил арасында энергетика һәм транспорт өлкәләрендә хезмәттәшлеккә багышланган форум 21 августта Анкарада узачак.

 (Казан, 19 август, "Татар-информ"). 21 августта Анкарада Россия тикшеренүләр институты инициативасы белән Төркия, Россия һәм Әзәрбайҗан арасында энергетика һәм транспорт өлкәләрендә хезмәттәшлеккә багышланган форум узачак. Ул Йолдырым Беязыт исемендәге Университетта оештырылыр дип көтелә, дип хәбәр итә Төркиянең "Анадолу" мәгълүмат агентлыгы.

Форум эшчәнлегендә өч илдән экспертлар регионара хезмәттәшлек мөмкинлекләрен һәм энергетика белән транспорт өлкәләрендә проблемаларны хәл итү юлларын барлаячак.

Россия сәясәт белгече Сергей Марков өч яклы форматны халыкара хезмәттәшлектәге кытыршылыкларны бетерү өчен мөһим дип атады. 

Форум бер көн дәвамында өч секциягә бүленеп эшләячәк, диелә хәбәрдә. 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10