ҺАВА ТОРЫШЫ +5 oC

Яңалыклар

барлык хәбәрләр Татарстан Россия

Хәвеф-хәтәр

Иннополиста балалар агулану фактын прокуратура тикшерә

19 август 2019, 12:30

Югары Ослан районы прокурорына, тиешле белгечләрне җәлеп итеп, тикшерү уздыру эше йөкләнгән.

 (Казан, 19 август, «Татар-информ»).  Иннополиста ял итүче балаларның агулану сәбәпләрен прокуратура тикшерә. Бу хакта Татарстан прокуроры өлкән ярдәмчесе Руслан Галиев хәбәр итте.

"Югары Ослан районы прокурорына, тиешле белгечләрне җәлеп итеп, тикшерү уздыру эше йөкләнде, шулай ук ул җаваплы органнарның урындагы гамәлләрен координацияләргә тиеш. Тикшерү барышында индицентның барлык вакыйгалары чылбыры, шулай ук сәбәпләре һәм моңа китергән шартлар тикшереләчәк", - диде Галиев.

Моңа кадәр «Татар-информ» агентлыгы Иннополиста лагерьда ял итүче дүрт баланың, агуланып, Республика клиник инфекция хастаханәсенә озатылуы хакында хәбәр иткән иде. Балаларның ни сәбәпле агулануын Роспотребнадзор белгечләре дә тикшерә.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10