ҺАВА ТОРЫШЫ +9 oC

Яңалыклар

барлык хәбәрләр Татарстан Россия

Җәмгыять

Беренче сыйныфларның режимына көндез йоклап алу кертергә тәкъдим иттеләр

19 август 2019, 11:09

Укучы өй эшен эшләгәнче, ким дигәндә ике сәгать ял итәргә тиеш.

(Казан, 19 август, «Татар-информ»). Роспотребнадзор белгечләре көндезге йоклап алу беренче сыйныфларның көндәлек режимына керергә тиеш дип саный. Бу хакта ТАСС агентлыгы хәбәр итә.

«Укучыларның эшкә сәләтлелеген тәэмин итү өчен көндәлек режимны рациональ оештырырга кирәк», - дип искәрткәннәр ведомствода.

Әйтик, көн тәртибендә туклану, саф һавада йөрү, түгәрәктә шөгыльләнү, иҗтимагый-файдалы хезмәт, физкультура-сәламәтләндерү чаралары үткәрү һәм төнге йокы булырга тиеш. Беренче сыйныфлар һәм 2-3 классларда укучыларның кайберләренә көндез йоклап алырга киңәш ителә.

Моннан тыш, өй эшен үтәр алдыннан укучыга дәресләрдән соң ким дигәндә ике сәгать ял итәргә кирәк. Экспертлар әлеге вакытның төп өлешен саф һавада үткәрергә тәкъдим итә.

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10