ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Җәмгыять

Аксубай китапханәчеләре 12 сәгатьлек эш графигына күчте

18 август 2019, 22:00

Ялны болай оештырганда эшче яшьләр өчен китапханәгә үз төркемнәре белән килә алу мөмкинлеге туачак.

(Аксубай, 18 август, "Татар-информ", "Авыл таңнары", Людмила Жаренова). Аксубай китапханәчеләре 12 сәгатьлек эш графигына күчте. Бу турыда район басмасы хәбәр итә.

Районның үзәкләштерелгән китапханәләр системасы директоры Ирина Телешева сүзләренә караганда, мондый график буенча эшләү теләге күптәннән туган булган. Хәзер балаларын бакчадан алып кайтканда китапханәгә кергән әти-әниләр, ашыкмыйча, иркенләп китап сайлый алалар.

Шулай ук балалар сәнгать мәктәбеннән кайтучы балалар да. Моннан тыш, китапханәчеләр кичке укулар оештыру уе белән дә янып йөриләр.

Ялны болай оештырганда эшче яшьләр өчен китапханәгә үз төркемнәре белән килә алу мөмкинлеге туачак, ә балалар кышкы озын кичләрне әниләре белән биредә ял итеп үткәрә алачак.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10