ҺАВА ТОРЫШЫ +7 oC

Яңалыклар

барлык хәбәрләр Татарстан Россия

Җәмгыять

Теләчедәге Театраль Сабан туенда WorldSkills флагын хөрмәтләү тантанасы узды

17 август 2019, 13:26 , Фото: Салават Камалетдинов

Теләчедәге Театраль Сабан туенда WorldSkills флагын хөрмәтләү тантанасы узды Театраль Сабантуй 2005 елдан бирле уздырыла.

(Казан, 17 август, "Татар-информ", Айгөл Шәйхлисламова). Бүген Теләчедә уза торган XII Театраль Сабан туеның ачылышында WorldSkills Kazan 2019 флагын хөрмәтләү тантанасы узды.

Теләче районы башлыгы Илдус Зарипов WorldSkills флагын югары күтәреп, чарада катнашучыларны хезмәт бәйрәме белән котлады һәм якынлашып килүче Чемпионат турында искәртте.

"Бик яхшы һава торышы, бик яхшы коллективлар. Иң күп үткән Сабан туе бездәдер, чөнки Теләче халкы тырыш, уңган, булган: спортта да, мәдәнияттә дә, хезмәттә дә. Матур эшли, матур ял итә!", - диде ул.

Килгән кунакларны шулай ук Татарстанның мәдәният министры урынбасары Ленар Хәкимҗанов та котлады. "Театр сезоны ачылыр алдыннан артистларыбыз шулай күңел ачарга җыела. Бәйрәм матур, күңелле булып истә калсын!" - диде ул.

  • Театраль Сабан туе 2005 елдан башлап Кәрим Тинчурин исемендәге Татар дәүләт драма һәм комедия театры инициативасы белән барлыкка килә. Ул Татарстан Президенты ярдәме белән Мәдәният министрлыгы җитәкчелегендә уздырыла.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10