ҺАВА ТОРЫШЫ +4 oC

Яңалыклар

барлык хәбәрләр Татарстан Россия

Спорт

Сабада "Туплы тамаша" футбол уены артистларның җиңүе белән тәмамланды

16 август 2019, 22:00 , Фото: saby-rt.ru/

Сабада "Бразилия" белән "Испания" командалары арасындагы уен 2:3 исәбенә төгәлләнде.

(Саба, 16 август, "Татар-информ", "Саба таңнары", Зөлфәт Галимов). 13 августта "Олимп" стадионында Саба муниципаль районы башкарма комитеты  хезмәткәрләре һәм татар эстрадасы артистлары арасында "Туплы тамаша" дип аталган футбол уены узды. Уен артистлар җиңүе белнә тәмамланды. Бу турыда район басмасы хәбәр итә.

"Без, татар эстрадасы артистлары, атна саен Казанда җыелып футбол уйныйбыз. Районнарда да моны оештырып, концертлар куеп кайту идеясе Россия күләмендәге артистлар арасындагы футбол ярышларын карагач уема килде. Районнар да әлеге идеяне күтәреп алды", – диде артистлар футбол командасы капитаны Фәнил Вакказов.

Бу командада танылган җырчылар Филүс Каһиров, Фәрит Низамиев, Илнар Сәйфиев, Илназ Гарипов арасында Саба егете Зөлфәт Зиннуров, Илшат Вакказов та бар иде. Артистлар Сабаны ошаткан, йортларның бәясен сораучылар да булды. Футбол кызу барды, ике команда да тигез уйнады.

"Башкарма комитеты командасы сары киемдә уйнаганга – Бразилия, ә артистлар кызыл киемдә булганга – Испания командалары" – ди ярышның комментаторы Рәшит Кәримов.

Шулай итеп, "Бразилия" белән "Испания" командалары арасындагы уен 2:3 исәбенә төгәлләнде. Футболдан соң, артистлар Саба үзәгендә концерт куйды. Араларында яңа гына танылып килүчеләр дә бар иде. Үзенең "Малай на белом барсе" дигән җыры белән Татарстанга билгеле Лейна да чыгыш ясады.

Алдагы елларда Арча белән Сабадан кала, бу тамашаны Кайбыч, Мамадыш, Азнакай һәм Актаныш районнарында күреп булачак.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10