ҺАВА ТОРЫШЫ +6 oC

Яңалыклар

барлык хәбәрләр Татарстан Россия

Дин

WorldSkills чемпионатында хәләл менюны Диния нәзарәте белгечләре тикшерәчәк

16 август 2019, 12:40

Татарстан Диния нәзарәтенең "Хәләл" стандарты комитеты ярышлар вакытында ашханәләрне хәләл азык-төлек белән тәэмин итүчеләрне раслаган.

(Казан, 16 август, "Татар-информ"). 22-27 августта Казанда узачак WorldSkills дөнья чемпионатында катнашучыларга хәләл туклану оештыруны Татарстан Диния нәзарәтенең "Хәләл" стандарты комитеты тикшереп торачак. Нәзарәтнең матбугат хезмәте хәбәр иткәнчә, чемпионатка әзерләнеп, комитет белгечләре "хәләл" менюларны өйрәнгән, ярышлар вакытында ашханәләрне хәләл азык-төлек белән тәэмин итүчеләрне раслаган, шулай ук пешерүчеләргә уку курслары оештырган.

Быел май аенда Казанда үткәрелгән Россия күләмендәге WorldSkills чемпионаты чорында да хәләл туклану тәкъдим ителгән иде. Ул чакта оештыру эшләрендә актив ярдәм күрсәткән өчен "Яшь профессионаллар (WorldSkills Россия)" агентлыгы белән Татарстанның Спорт һәм социаль проектлар дирекциясе нәзарәтнең "Хәләл" стандарт комитетына рәхмәт белдерде.

 

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10