ҺАВА ТОРЫШЫ +12 oC

Яңалыклар

барлык хәбәрләр Татарстан Россия

Авыл

Тәтеш районы терлекчелектәге берничә күрсәткеч буенча алдынгылар унлыгына кергән

16 август 2019, 04:00 , Фото: Галина Таҗетдинова

Тәтеш районы терлекчелектәге берничә күрсәткеч буенча алдынгылар унлыгына кергән Бүгенге көнгә республика территориясендә мөгезле эре терлекләрнең баш саны 721,8 меңне тәшкил итә.

(Тәтеш, 16 август, "Татар-информ",  "Тәтеш таңнары").  Ел башыннан мөгезле эре терлекләрнең баш санын, сөт җитештерү күләмен үстерүне һәм мөгезле эре терлек итен җитештерүне арттыру буенча Тәтеш районы иң зур уңай динамика белән республиканың алдынгы районнары унлыгына кергән. Бу турыда җирле басма хәбәр итә.

Бүгенге көнгә республика территориясендә мөгезле эре терлекләрнең баш саны 721,8 меңне тәшкил итә, шул исәптән сыерларның баш саны – 242,3 мең, дуңгызлар – 451,4 мең, сарыклар һәм кәҗәләр – 58,2 мең, кош-кортлар – 14,5 миллион, атлар 19,9 мең башны тәшкил итә.

Республиканың авыл хуҗалыгы предприятиеләре тарафыннан быелның 7 ае эчендә 795,4 мең тонна (104 процент) – сөт, 232,7 мең тонна (102 процент) – ит, шул исәптән (үстерелгән) 57,2 мең тонна – мөгезле эре терлек (99 процент), дуңгызлар – 52,3 мең тонна, кош-корт 121,7 тонна җитештерелгән.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10