ҺАВА ТОРЫШЫ +15 oC

Яңалыклар

барлык хәбәрләр Татарстан Россия

Авыл

Кукмара районында дүрт мең гектардан бөртеклеләрне җыеп алу бурычы куелган

16 август 2019, 00:00 , Фото: kukmor-rt.ru/

Кукмара районында дүрт мең гектардан бөртеклеләрне җыеп алу бурычы куелган Бүгенге көндә сигез комбайн кырда ашлык суктыра, биш КамАЗ бөртекләрне ташып тора.

(Кукмара, 16 август, "Татар-информ", "Хезмәт даны", Ризилә Корбанова). Быел Кукмара районында башка елларга караганда, мәйданнарның күп өлешен бөртеклеләр алып тора. Барлыгы 4267 гектарда урып-җыю эшләре башкарасы бар. Бу турыда район басмасы хәбәр итә.

"Без уракка 29 июльдә үк төшкән идек, тик гектарлар кимемәгәч, көн саны белән генә ерак китеп булмый бит. Югары нәтиҗәле культуралардан 974 гектарда рапс игелде, калганы бөртеклеләр. Кукуруз исә 197 гектар мәйданны били, аны орлыкка суктырачакбыз", - диде хуҗалыкның агрономы Илназ Галәветдинов. 

Агроном игеннәрнең торышыннан канәгать булуын белдерде. Әмма иң кирәкле вакытта кайбер мәйданнарга кырык көннән артык бер тамчы яңгыр да төшмәде, диде. Әйе, һава торышын сорап алып та, чакырып китереп тә булмый шул.

"Бүгенге көндә сигез комбайн кырда ашлык суктыра, биш КамАЗ бөртекләрне ташып тора. Көннәр ачылып, басулар җилләп китсә, саламны да җыеп барачакбыз", - диде агроном.

"Быел бер "ACROS" комбайны сатып алдык, яңа ашлык киптерү җайланмасы урнаштырдык, амбар алдын төзекләндердек. Әлегә ашлык 26-28 процент дымлылык белән кайта. Аны үзебездә киптереп барырга өлгерербез дип уйлыйм", - диде ул.

"Урал"да печән өсте төгәлләнгән. Терлек азыгы да җитәрлек тупланды, былтыргы запаслар да калган иде, диделәр. Хуҗалыкта эшләүчеләргә печән - хезмәт көненә карап, ә пайчыларга бер кишәрлеккә бер төргәк исәбеннән өләшенгән. Аны капка төпләренә хәтле илтеп тапшырганнар. Алга таба икешәр төргәк салам һәм ашлык бирәселәре калган.

 

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10