ҺАВА ТОРЫШЫ +9 oC

Яңалыклар

барлык хәбәрләр Татарстан Россия

Җәмгыять

Чирмешәндә янгын сүндерүчеләр көч сынашты

15 август 2019, 22:00 , Фото: Марат Гомәров

Чирмешәндә янгын сүндерүчеләр көч сынашты Беренче урынны чирмешәнлеләр алды.

(Чирмешән, 15 август, “Татар-информ“, “Безнең Чирмешән“, Марат Гомәров). Янгын сүндерүчеләр төтен эчендәге корылмада ярдәм сорап кычкырган “зыян күрүчене” тиз табып чыктылар. Чирмешән районында янгын сүндерүчеләр арасында узган республика ярышларының бер биреме әнә шундый иде. Бу турыда җирле басма хәбәр итә.

Бәйгенең практик биремнәрендә иң әүвәл Питрәч районы вәкилләре шулай сыналды. Саклану чаралары, кирәкле эш кораллары, киемнәре тикшерелгәннән соң, коткаручылар чарага дип махсус төзелгән эче төтен тулы бинага кереп киттеләр. Ярдәм сорап “кычкырган” манекенны табып чыгып носилкага салдылар. Аннан янә кереп киттеләр: утны сүндерәсе бар. Шактый озак тордылар, нидер барып чыкмаган.

- Анда балалар, ир-атлар кычкыра, ярдәм сорыйлар - шундый эффект ясаганнар. Барысы да чын кебек. Бернәрсә күренми, төтен, фонарьның да әлләни файдасы юк. Лабиринтлар аша ятып диярлек узарга кирәк, бирем ансат түгел, - ди Питрәч районы командасының тирләп-пешкән вәкиле Николай Чернов.

Моннан кала да конкурсантларга шактый биремнәр әзерләнгән, аерым кабинетта аларның теоретик белемнәрен тикшерделәр.

Шулай итеп әлеге ярышлар бездә ике көн дәвам итте. Барлыгы 38 команда, 200ләп янгын сүндерүче катнашты. Аларны ярышлар алдыннан район башлыгы Фердинат Дәүләтшин да сәламләп, ярышларда уңышлар теләде.

Бәйгедә исә уңыш хуҗаларга “елмайды“,  чирмешәнлеләр - җиңүче, сабалылар -икенче, Түбән Кама командасы өченче урын иясе булды.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10