ҺАВА ТОРЫШЫ +3 oC

Яңалыклар

барлык хәбәрләр Татарстан Россия

Фән һәм мәгариф

Россия Мәгариф министрлыгы яңа федераль стандартларны ел азагына кадәр раслаячак

15 август 2019, 16:00 , Фото: tatarstan.ru

Россия Мәгариф министрлыгы яңа федераль стандартларны ел азагына кадәр раслаячак Федераль министр урынбасары дәреслекләр яңартылачагын да әйтте.

(Казан, 15 август, "Татар-информ", Гөлнар Гарифуллина). Россия Мәгариф министрлыгы яңартылган федераль белем бирү стандартларын ел азагына кадәр раслаячак. Бу хакта бүген "Казан Экспо" үзәгендә "Тәрбия - белем бирү сыйфатын күтәрү факторы" темасына республика август киңәшмәсендә РФ мәгариф министры урынбасары Ирина Потехина әйтте.

"2019 ел азагына кадәр аларны расларбыз дип планлаштырабыз. Яңа ФГОСлар буенча фикер алышуларда катнашкан коллегаларга рәхмәт. Бу саллы эш булды", - диде ул.

Аның фикеренчә, технологияләрдәге, икътисадтагы үзгәрешләрне тиз сеңдереп бару кирәк. "Төп белем бирүнең якынча программаларын яңарту эше башланачак. Бу процессны 2020 елның икенче кварталында төгәлләү ниятләнә", - диде Потехина.

Ул гамәлдәге дәреслекләр яңартылачагын да әйтте. "Бүген технологияләр тиз үзгәрә, без заманча дәреслекләр чыгарырга бурычлы. Бу максаттан министрлык тарафыннан дәреслекләрнең федераль исемлеген формалаштыруның яңа тәртибе әзерләнгән. Гамәлдәге исемлек 2020 елга кадәр актуальлеген саклаячак", - диде федераль министр урынбасары.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10