ҺАВА ТОРЫШЫ +4 oC

Яңалыклар

барлык хәбәрләр Татарстан Россия

Җәмгыять

Куйбышев сусаклагычына 14 мең чөгә балыгы җибәргәннәр

15 август 2019, 14:06 , Фото: tatarstan.ru

Куйбышев сусаклагычына 14 мең чөгә балыгы җибәргәннәр Шушы көннәрдә суга җибәрелгән маймычлар Лаеш районының балык үрчетү комплексында үстерелгән.

(Казан, 15 август, "Татар-информ"). Куйбышев сусаклагычындагы биоресурсларны 14 мең чөгә балыгы (стерлядь) маймычы белән тулыландырганнар. Бу турыда Татарстан Республикасы Экология һәм табигать ресурслары министрлыгы матбугат хезмәте хәбәр итте.

Балыкларны Татарстан Республикасы Экология һәм табигать ресурслары министрлыгы, "Росрыболовство"ның Урта Идел территориаль идарәсе һәм "Главрыбвод" ФДПУ белгечләре составындагы комиссия контролендә Каманың ике утрау арасындагы киң урынында җибәргәннәр.

Бу компенсация чарасы су ресурсларыннан файдалануны яки акваторияләрдә җир асты байлыкларын эшкәртүне башкаручы оешмалар тарафыннан үткәрелә. Балык җибәрү әйләнә-тирәлеккә йогынты бәяләү нәтиҗәләре нигезендә исәпләп чыгарылган күләмнәрдә башкарыла.

Шушы  көннәрдә суга җибәрелгән маймычлар Лаеш районының балык үрчетү комплексында үстерелгән.  Балык үрчетү өчен заманча җиһазлар куллану, махсус җиһазландырылган автотранспорттан файдалану, уңайлы җирдә урнашу һәм квалификацияле персонал тырышлыгы белән балыкларны алып килгәндә һәм суга җибәргәндә биологик ресурсларны югалтуга юл куелмаган. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10