ҺАВА ТОРЫШЫ +3 oC

Яңалыклар

барлык хәбәрләр Татарстан Россия
×

Мәдәният

Татарстан халыклары Ассамблеясы иҗат коллективы Актанышта концерт куйды

15 август 2019, 01:00 , Фото: Лилия Бәхтиева

Татарстан халыклары Ассамблеясы иҗат коллективы Актанышта концерт куйды Әлеге коллективның халыклар дуслыгын ныгытуга куйган өлеше бик зур икәнлегенә басым ясый.

(Актаныш, 15 август, "Татар-информ",  "Актаныш-информ", Лилия Бәхтиева). Татарстан халыклары Ассамблеясының Дуслык йорты иҗат коллективы Актаныш халкына зур концерт программасын тәкъдим итте. Бу турыда район басмасы хәбәр итә.

Артисларның һәр чыгышы көчле алкышлар белән кабул ителү нәкъ менә шул хакта сөйли. Концертта кемнәр катнашуын санап чыгу ул кадәр мөһим дә түгелдер, түгелдер, бу очракта әлеге коллективның халыклар дуслыгын ныгытуга куйган өлеше бик зур икәнлегенә басым ясау әһәмиятлерәк.

Татарстанда яшәүче Халыклар ассамблеясеның нәтиҗәле эшләп килүе, Казандагы дуслык йорты вәкилләренең районнарга чыгып тәҗрибә уртаклашып йөрүе, ярдәм итүе - үзенең уңай нәтиҗәләрен бирә. Актанышта да бу өлкәдә актив, максатчан эшләүнең беренче җимешләре бар – берничә милләтне берләштергән районда мәдәният хезмәткәрләре тарафыннан тәкъдим ителгән “Дуслык күпере” дип аталган концертлар, иҗади бәйге-конкурслар моңа ачык мисал.

Сәхнә түренә күтәрелеп, концертны тамаша кылучыларны әлеге милләтләр дуслыгын чагылдырган бәйрәм белән тәбрик иткән район башлыгы урынбасары Рәйхан Галимҗанованың чыгышы чараның әһәмиятен тагын да арттырып җибәрде.

Концерт сәхнә белән зал арасын җылытып кына калмады, артисларны һәм тамашачыларны берләштерде. Җәмгыятьтә аңлашу һәм тигезлек хаким итсә генә кешеләрнең күңеле тыныч булачак дигән гыйбарәне тагы бер кат раслады.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10