ҺАВА ТОРЫШЫ +19 oC

Яңалыклар

барлык хәбәрләр Татарстан Россия
×

Авыл

Марат Әхмәтов: Апас районын без һәрвакыт үрнәк итеп күрсәтәбез

14 август 2019, 23:00 , Фото: apastovo.ru/

Марат Әхмәтов: Апас районын без һәрвакыт үрнәк итеп күрсәтәбез Балтай кырында авыл хуҗалыгы һәм азык-төлек министры контроль суктыру уздырды.

(Апас, 13 август, "Татар-информ", "Апас-информ", Гүзәл Хилавиева). Урып-җыю эшләре белән якыннан танышу максатыннан Апас районына Премьер-министр урынбасары-авыл хуҗалыгы һәм азык-төлек министры Марат Әхмәтов килде. Бу турыда район басмасы хәбәр итә.

Район башлыгы Рәшид Заһидуллин белән берлектә район басу-кырларын карап чыкканнан соң район җитәкчеләре, хуҗалык җитәкчеләре, авыл җирлеге башлыклары белән очрашып аралашты. 

"Татарстан районнарына икмәк уңышы авыр хезмәт, зур тырышлык белән бирелә. Ике елдан бирле табигать тә көйсезләнеп тора. Шулай булуга да карамастан, игенчеләр көч туплап, тырышып эшләп, җиңеп чыгалар.

Бүген менә Апас районы кырлары да сокландыргыч. 50-70 центнер уңыш биргән кырлар булу бик зур хезмәт нәтиҗәсе. Урып-җыю чорында без һәрвакыт Апас районын үрнәк итеп күрсәтәбез. Иң алдан керешеп китеп, бервакытта да уракны сентябрьгә калдырганнары юк. Быел да район башлыгы август аена тәмамлыйбыз дигән максат куйган икән, мин аның шулай булачагына ышанам", - диде авыл хуҗалыгы һәм азык-төлек министры Марат Әхмәтов.

"Свияга" агрофирмасы Горбунов берләшмәсенең Балтай бүлекчәсенә караган 89 гектарлы арпа кырында авыл хуҗалыгы һәм азык-төлек министры Марат Әхмәтов контроль суктыру уздырды. Әлеге кырда уңыш 54 центнер тәшкил итә.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10