ҺАВА ТОРЫШЫ +9 oC

Яңалыклар

барлык хәбәрләр Татарстан Россия

Җәмгыять

Экспертлар дүрт көнлек эш атнасының сәламәтлеккә тәэсире турында сөйләде

14 август 2019, 12:06

Табиб-терапевт фикеренчә, буш вакыты барлыкка килсә, кешеләрнең 96 проценты ялкаулыкка биреләчәк.

(Казан, 14 август, «Татар-информ»). Дүрт көнлек эш атнасы россиялеләрнең сәламәтлегенә тискәре йогынты ясаячак, чөнки симерү һәм невротик тайпылышлары булган кешеләр саны артачак. Бу хакта экспертлар сүзләрен РИА Новости хәбәр итә.

«Буш вакытлары булганда бик сирәк очракта гына кешеләр спорт, акыл хезмәте белән дә шөгыльләнә башлый. Кешеләрнең 96 проценты ялкаулыкка биреләчәк», - дип саный табиб-терапевт Елена Тихомирова. Ул симерү очракларының артуын буш вакыт барлыкка килү белән бәйли.

Аның сүзләренчә, эше бик ошаган һәм кинәт яллары арткан кешенең курку һәм фобияләре пәйда булачак, чөнки ул нәрсәне дә булса алай эшләмәгән дип уйлаячак.

Икенче эксперт - табиб-психиатр, психотерапевт һәм медицина фәннәре кандидаты Лев Пережогин дүрт көнлек эш атнасының кеше психологиясенә йогынтысын бертөрле бәяләргә ярамый, дип саный.

Ул билгеләгәнчә, үз-үзләренә ышанып, нәтиҗәле интеллектуаль, югары квалификацияле хезмәт белән шөгыльләнүче кешеләр моңа бик шат булачак. Әмма физик квалификациясез хезмәт белән шөгыльләнүче кешеләр канәгать калмас, чөнки аларның хезмәт хакы башкарылган эш күләменә бәйле.

Гаилә мөнәсәбәтләренә мондый яңалык, әгәр гаиләдә микроклимат моңарчы яхшы булса, уңай йогынты ясарга мөмкин. Ул вакытта өстәмә ял шатлыкка әйләнәчәк, диде психотерапевт.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10