ҺАВА ТОРЫШЫ -10 oC

Яңалыклар

барлык хәбәрләр Татарстан Россия

Җәмгыять

Татарстанда алимент түләмәүченең гомуми портретын билгеләгәннәр

13 август 2019, 17:19 , Фото: архив

Татарстанда алимент түләмәүченең гомуми портретын билгеләгәннәр Бүгенге көндә 20 мең татарстанлының алимент буенча бурычлары бар.

(Казан, 13 август, “Татар-информ”, Динә Йосыпова). Суд приставлары федераль хезмәтенең ТР буенча идарәсе матбугат хезмәте Татарстан Республикасы Министрлар Кабинетында үткән брифингта журналистларга хәбәр иткәнчә, Татарстанда алиментлар түләү-түләмәү мәсьәләсендә иң еш бурычлылар булып 30-42 яшьлек ир-атлар тора.

“Классик” алимент түләмәүче, кагыйдә буларак, 30-42 яшьлек ир-ат. Республикада андый – алимент түләмәүче – 11 меңнән артык кеше бар. Алимент түләүләрен түләтү турында башкарма производстволарның күп өлеше әлеге категориягә карата кузгатылган”, - диелә хәбәрдә.

Суд приставлары федераль хезмәтенең ТР буенча идарәсе алимент түләмәүчеләр, кагыйдә буларак, асоциаль яшәү рәвеше алып баручы затлар булуын билгеләп үтә.

Алимент түләмәүче хатын-кызларга карата 2,5 мең башкарма производство кузгатылган. Алар арасында шулай ук 30-42 яшьлекләр өстенлек итә.

Бүгенге көндә 20 мең татарстанлының алимент буенча бурычлары бар.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10