ҺАВА ТОРЫШЫ -9 oC

Яңалыклар

барлык хәбәрләр Татарстан Россия

Хәвеф-хәтәр

Казан янында трассада бетонболгаткычка ут капкан

13 август 2019, 12:13 , Фото: кадр из видео, ГУ МЧС РФ по РТ

Казан янында трассада бетонболгаткычка ут капкан Йөк автомобиленең кабинасы тулысынча янып беткән.

(Казан, 13 август, «Татар-информ»). Казан янындагы трассада ут капкан бетонболгаткычны видеога төшереп алганнар. Гадәттән тыш хәл бүген иртән Сокуры авылында автозаправка янында килеп чыккан. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

«Бүген иртән 112 бердәм номерына Сокуры авылында автозаправка янында «КАМАЗ» машинасына ут кабуы хакында хәбәр килде», - дип искәрттеләр ведомствоның матбугат хезмәтендә.

Янгын сүндерүчеләрне кабинадан чыгып өлгергән «КАМАЗ» шоферы каршы алган.

Ут белән көрәшүчеләр янгынны 10 минут эчендә сүндергән. Йөк автомобиленең кабинасы тулысынча янып беткән. Янгынның мәйданы 3 квадрат метр тәшкил иткән.

Гадәттән тыш хәл нәтиҗәсендә беркем дә зыян күрмәгән.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10