ҺАВА ТОРЫШЫ +4 oC

Яңалыклар

барлык хәбәрләр Татарстан Россия

Фән һәм мәгариф

Апаста яңа балалар бакчасы төзеләчәк

13 август 2019, 01:00 , Фото: apastovo.ru/

Апаста яңа балалар бакчасы төзеләчәк Яңа балалар бакчасы сиксән урынга исәпләнгән.

(Апас, 13 август, "Татар-информ", "Апастово-информ"). “Демография” илкүләм проекты кысаларында 2020-2021 елларда Апаста да өр яңа балалар бакчасы төзеләчәк. Бу турыда җирле басма хәбәр итә.

Районның инфраструктур үсеше буенча башкарма комитет җитәкчесе урынбасары Айрат Хәсәнов белдерүенчә, бүгенге көндә әлеге балалар бакчасы өчен 5663 кв.метр җир кишәрлеге бүлеп бирелгән, кадастр паспортлары ясатылган. Сиксән урынга исәпләнгән балалар бакчасы Яшьләр урамы 1“З” адресы буенча урнашачак.

" Шәһәр тибындагы Апас бистәсендә 5360 кеше яши, шуларның 545е мәктәпкәчә яшьтәге балалар. Апаста ике балалар бакчасы эшләп тора. 110 балага исәпләнгән “Салават күпере” балалар бакчасына 152 бала, 145 урынга исәпләнгән “Кояшкай” балалар бакчасына 191 бала йөри. “Электрон балалар бакчасы” системасына күз салсак 99 бала үз чиратын көтә. Бүгенге көндә район үзәгендә яшьләр кавышалар, йортлар салалар. Димәк, балалар бакчасы буш тормаячак", - диде район мәгариф бүлеге җитәкчесеАлсу Хәйруллина.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10