ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Җәмгыять

М7 трассасында авариядән соң, һавада куркыныч матдәләр күләме нормадан артмаган

12 август 2019, 21:57

Татарстанда М7 трассасы буендагы туфрак анализы нәтиҗәләре ике атнадан соң әзер булачак.

(Казан, 12 август, «Татар-информ»). М7 трассасында химия продуктлары аккан урында атмосфера һавасын экологлар тикшергән. Һаваны 15 күрсәткеч буенча өйрәнгәч, зарарлы матдәләрнең нормадан артып китүе ачыкланмаган. Туфрак анализы нәтиҗәләре ике атнадан соң әзер булачак. Бу хакта бүген Татарстан Экология һәм табигат ресурслары министрлыгы матбугат хезмәте хәбәр итә.

«Татарстан Экология һәм табигать ресурслары министрлыгының Үзәк махсус аналитик контроль инспекциясе белгечләре күчмә экологик лаборатория ярдәмендә атмосфера һавасына 15 күрсәткеч буенча анализ ясады. Нормадан артып киткән очраклар ачыкланмады. Хромато-масс-спектрометрда сыйфатлы анализ үткәрү өчен шулай ук һава үрнәкләре алынды», - диелә хәбәрдә.

Якшәмбе көнне рефрижератор ватылу нәтиҗәсендә Мәскәү-Уфа автомобиль юлының 829 чакрымында химик продуктлар агуы теркәлгән иде. Гадәттән тыш хәл булган урын тирәсеннән алынган туфрак үрнәкләрен органик матдәләр һәм токсиклогия күрсәткечләре буенча анализлаячаклар. Нәтиҗәләр 2 атнадан соң әзер булачак.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10