ҺАВА ТОРЫШЫ -11 oC

Яңалыклар

барлык хәбәрләр Татарстан Россия

Җәмгыять

Роспотребнадзорда балалар өчен шикәр нормасы турында әйттеләр

12 август 2019, 16:22

Ризыкка өстәлгән шикәрне куллану балаларның тәүлеклек калория нормасының 10 процентыннан артмаска тиеш.

(Казан, 12 август, «Татар-информ»). Кулланучылар хокукларын яклау һәм кеше иминлеге өлкәсендә күзәтчелек федераль хезмәте коры иртәнге ашларда нәрсә барлыгын игътибар белән өйрәнергә киңәш итә. Чөнки ризыкка өстәлгән шикәрне куллану балаларның тәүлеклек калория нормасының 10 процентыннан артмаска тиеш. Бу хакта ведомство сайтындагы хәбәргә сылтама белән «Башинформ» хәбәр итә.

«Өч-җиде яшьлек сабыйларда иртәнге ризыкларда өстәмә шикәр куллану тәүлеклек рационның 14,5 процентын тәшкил итә. Өлкәнрәк балаларның — аз гына кимрәк, яшүсмерләрнең -13 процент. Ә нормативлар буенча 10 проценттан артмаска тиеш», - дип хәбәр итә белгечләр.

Кулланучылар хокукларын яклау һәм кеше иминлеге өлкәсендә күзәтчелек федераль хезмәтендә шулай ук өстәмә шикәр ул башта анда булган шикәргә өстәмә рәвештә теләсә кайсы ризыкка кертелә, дип аңлаттылар. Шуңа бәйле рәвештә, әзер иртәнге ашларны сайлаганда шикәр микъдарына игътибар итәргә киңәш ителә.

Продуктның маркасына һәм җитештерү процессына карап, аның эчтәлеге аерылырга мөмкин.Бала иртәнге ашны әйбәт ашарга тиеш, шуннан соң беренче дәресләрдә хәлсезлек булмасын өчен ниндидер татлы ризык ашарга кирәк. Белгечләр сүзләренә караганда, тиз тәэсир итүче углеводлар кирәк, әмма адекват күләмдә. Бирегә кондитер әйберләре, татлы газировка, әзер иртәнге ашлар, десертлар, шулай ук нектарлар, табигый соклар һәм бал керә.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10