ҺАВА ТОРЫШЫ +2 oC

Яңалыклар

барлык хәбәрләр Татарстан Россия

Җәмгыять

Борынгы Болгарда “Бөек Болгар” фестивале уза

12 август 2019, 00:00

Борынгы Болгарда “Бөек Болгар” фестивале уза Халыкка урта гасырлар белән якыннанрак танышу мөмкинлеге бирелгән.

(Спас, 12 август, "Татар-информ", "Яңа тормыш"). ​​​​​​​Борынгы Болгарда алтынчы ел рәттән уздырыла торган урта гасырлар сугышы халыкара фестиваленә Россиянең төрле төбәкләре, чит илләрдән һәм, билгеле инде, Татарстанның төрле якларыннан халык җыелды. Бу турыда район басмасы хәбәр итә.

Фестиваль елдан-ел халык аррасында зуррак популярлык казана бара. Катаншучылар саны да ел саен арта. Фестивальне ачып җибәрү тантанасында Бөек Болгарга җыелган кунакларны район башлыгы Камил Нугаев, Татарстан Дәүләт Советы Рәисе урынбасары Татьяна Ларионова, Россия Дәүләт Думасы депутаты Ольга Павлова, Татарстан Туризм буенча дәүләт комитеты рәисе, “Тарихка сәяхәт” туристлык агентлыгы генераль директоры Алексей Кокурин, Болгар музей-тыюлыгы директоры Фәргат Мөхәммәтов сәламләде.

Алар халыкны шушы зур вакыйга белән котлап, орышта катнашучылар җиңүләр һәм уңышлар, ә тамашачыларга тирән тарихи тамырлары булган борынгы җиребездә күңелле ял итүләрен теләделәр.

Аннары исә махсус ясалган урында орышлар башланып китте. Тамашачыларга аеруча атта орышлар, борынгы киемнәр кигән җайдакларның үз осталыкларын күрсәтүе ошады.

Фестивальдә төрле ярминкәләр, тарихи, гаилә белән ял итү өчен мәйданчыклар эшли, урта гасырлар һөнәрләре, борынгы биюләр, уктан, арбалеттан ату буенча мастер-класслар үткәрелә. Ә күпсанлы артистлар исә тамашачыларны дәртле музыка белән хозурландыра. Шулай итеп, монда һәр кеше күңеленә якын тамаша һәм шөгыль таба ала.

Иң мөһиме – халыкка урта гасырлар белән якыннанрак танышу мөмкинлеге бирелгән. Кичен исә барысын да утлы тамаша - файер-шоу көтә. Фестиваль якшәмбе көн дә дәвам итәчәк.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10