ҺАВА ТОРЫШЫ +20 oC

Яңалыклар

барлык хәбәрләр Татарстан Россия

Рәсми Татарстан

Рөстәм Миңнеханов Азнакай районы кырларында урып-җыю барышын карады

9 август 2019, 20:54 , Фото: tatarstan.ru

Рөстәм Миңнеханов Азнакай районы кырларында урып-җыю барышын карады Татарстан Президенты «Азнакай» агрофирмасы»нда терлекчелек комплексына нигез ташы салу тантанасында катнашты.

(Казан, 9 август, «Татар-информ»). Бүген көннең икенче яртысында Татарстан Президенты Рөстәм Миңнеханов республиканың Азнакай районы кырларында урып-җыю эшләре барышы белән танышты. Бу хакта Татарстан Президенты матбугат хезмәте хәбәр итә.

«Рөстәм Миңнехановны Татарстан авыл хуҗалыгы һәм азык-төлек министры Марат Әхмәтов, Азнакай муниципаль районы башлыгы Марсель Шәйдуллин һәм башкалар озата йөрде», - диелә хәбәрдә. Республика җитәкчесе район кырларын күктән күзәткән.

Посещение Президентом Республики Татарстан Р.Н. Миннихановым Азнакаевского муниципального района

Банки-Сукаеш авылы янында «Азнакай» агрофирмасы» ҖЧҖнең булачак терлекчелек комплексы нигезенә беренче таш салу тантанасы булды. Бу инвестиция проекты сөтчелек юнәлешендәге 2 мең башка исәпләнгән терлекчелек комплексын төзүне күздә тота. Төзелешне 2020 елның дүртенче кварталында тәмамлау планлаштырыла.

Рөстәм Миңнеханов нигез ташы салу тантанасында сәламләү сүзендә барысын да «Агросила» компаниясенең «Азнакай» агрофирмасы»нда яңа заманча терлекчелек комплексы төзелеше башлану белән котлады.

«Яңа комплекс районны терлекчелек продукциясе белән тәэмин итүдә мөһим роль уйнаячак. Республиканың агросәнәгать комплексы өлкәсендәге уңышлары – авыл кешеләренең фидакарь хезмәте, шулай ук стратегик инвесторларның эшчәнлеге нәтиҗәсе», — диде Рөстәм Миңнеханов.

Посещение Президентом Республики Татарстан Р.Н. Миннихановым Азнакаевского муниципального района

Аннары «Азнакай» агрофирмасы» ҖЧҖенең көзге бодай кырында Рөстәм Миңнеханов Азнакай муниципаль районы хуҗалыклары җитәкчеләре һәм җирлекләре башлыклары белән очрашты.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10