ҺАВА ТОРЫШЫ +20 oC

Яңалыклар

барлык хәбәрләр Татарстан Россия

Рәсми Татарстан

Рөстәм Миңнеханов «Җәлилнефть»нең 60 еллыгына багышланган тантанада катнашачак

9 август 2019, 09:17 , Фото: Владимир Васильев/архив

Рөстәм Миңнеханов «Җәлилнефть»нең 60 еллыгына багышланган тантанада катнашачак ТР Президенты Сарман һәм Азнакай районнарында урып-җыю эшләренең барышы белән танышачак.

(Казан, 9 август, «Татар-информ»). Бүген ТР Президенты Рөстәм Миңнеханов Татарстанның көньяк-көнчыгышына сәфәр кылачак. Ул авыл хуҗалыгы предприятиеләрендә булачак, шулай ук «Җәлилнефть» нефть һәм газ чыгару идарәсенең юбилеена багышланган тантаналарда катнашачак. Бу хакта «Татар-информ» агентлыгына ТР Президентының матбугат хезмәтеннән хәбәр иттеләр.

Республика Президентының эш сәфәре Сарман районыннан башланыр дип көтелә. Җәлил бистәсендә Рөстәм Миңнеханов иҗтимагый киңлекләрне үстерү программасы буенча реконструкцияләнә торган үзәк парк белән танышачак. Шуннан соң ТР Президенты бистә мәйданына юл тотачак.

«Татарстан Президенты «Җәлилнефть» нефть һәм газ чыгару идарәсенең 60 еллык юбилеена багышланган тантаналы чарада катнашырга ниятли», - дип искәрттеләр матбугат хезмәтендә. Рөстәм Миңнеханов сәламләү сүзләре белән чыгыш ясар, нефтьчеләргә дәүләт бүләкләре һәм Рәхмәт хатлары тапшырыр дип көтелә.

Урып-җыю эшләренең барышы белән танышканнан соң, ТР Президенты «Азнакай» агрофирмасында булачак. Биредә 2 мең баш нәселле терлеккә исәпләнгән һәм тәүлегенә 50 тонна сөт җитештерергә сәләтле яңа терлекчелек комплексына нигез салыначак. Рөстәм Миңнеханов шулай ук Азнакай муниципаль районының хуҗалык җитәкчеләре һәм авыл җирлеге башлыклары белән кайбер мәсьәләләр хакында фикер алышырга ниятли.

 


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10