ҺАВА ТОРЫШЫ +5 oC

Яңалыклар

барлык хәбәрләр Татарстан Россия

Җәмгыять

Россиядә 40 меңгә якын умарта оясы һәлак булган

31 июль 2019, 10:24 , Фото: Салават Камалетдинов/архив

Россиядә 40 меңгә якын умарта оясы һәлак булган Татарстанда, Алтай краенда һәм Ульяновск өлкәсендә умарталарны торгызуга дәүләт ярдәме чаралары эшләнелә, диделәр Россия Авыл хуҗалыгы министрлыгында.

(Казан, 31 июль, «Татар-информ»). Россиянең 25 төбәгендә 39,6 мең умарта оясы, ягъни 29 июльгә аларның гомуми саныннан 1,3 проценты үлгән. Бу хакта Россия Федерациясе Авыл хуҗалыгы министрлыгының матбугат хезмәте хәбәр итә.

Татарстан Республикасы Авыл хуҗалыгы һәм азык-төлек министрлыгында кайбер төбәкләрдә умартачылар югалтуларын компенсацияләүнең төрле формалары турында карар кабул ителде, диделәр. Әйтик, Башкортстанда «Башкортстан Республикасында умартачылыкны үстерү» төбәк программасы кысаларында умартачылык пакетлары һем умартачылык инвентаре алуга чыгымнарны 50 процентка кадер субсидияләу каралган.

Татарстанда, Алтай краенда һәм Ульяновск өлкәсендә умарталарны торгызуга дәүләт ярдәме чаралары эшләнелә.

Ведомствода «гражданнар мөлкәтенә китерелгән зыянны компенсацияләү мәсьәләсе, шул исәптән пестицидлар һәм агрохимикатлар белән куркынычсыз эш итү өлкәсендәге законнарны бозу аркасында, хокук бозуда гаепле затларны җаваплылыкка тарту юлы белән суд тәртибендә хәл ителергә мөмкин», дип ачыкладылар.

  • «Татар-информ» элек хәбәр иткәнчә, быел Татарстанда 3 меңнән артык умарта оясы һәлак булган. Бер умартада 80 меңгә кадәр бал корты булуын исәпкә алсак, республикада 240 млн чамасы умарта корты үлгән.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10