ҺАВА ТОРЫШЫ -16 oC

Яңалыклар

барлык хәбәрләр Татарстан Россия

Мәдәният

Түбән Каманың велосипедлар музеена Төркиядән ике экспонат кайтартылды

31 июль 2019, 09:00

Түбән Каманың велосипедлар музеена Төркиядән ике экспонат кайтартылды Бер велосипед конвейердан алтмышынчы елларда төшкән.

(Казан, 31 июль, "Татар-информ"). Татарстанда бердәнбер булган Түбән Кама велосипедлар музее коллекциясен ике экспонат тулыландырачак. Әлеге велосипедларны түбәнкамалыларга кардәш Мармарис шәһәреннән бүләк иттеләр. Бу турыда Түбән Кама муниципаль районы рәсми сайтында хәбәр ителә.

Бер велосипед конвейердан алтмышынчы елларда төшкән. Ул Төркиянең милли горурлыгы булган BISAN заводында чыгарылган.

Икенче велосипед Мексикада чыгарылган. Bimex заводы инглиз лицензиясе буенча 1951 елдан эшли башлый. Түбән Камага Ливерпульда сиксәненче елларда уйлап табылган легендар Cougar моделе кайтартылды.

"Бүген төштән соң музейда велосипедларны урнаштырабыз, - дип сөйләде безгә активист Рәис Шәехов. – Биредә без тематик зона булдырырга ниятлибез: Ататөрк портретын, Мармарисның заманча фотографияләрен, Төркия флагын эләчәкбез".

Музейда бүгенге көндә кырыкка якын экспонат бар. Ул, дүшәмбедән кала, һәр көнне иртәнге тугыздан кичке җидегә кадәр эшли. Керү бушлай. Урыны – “Велики” автошәһәрчеге.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10